U lind më 5 qershor 1952 në Plavë. Diplomoi në Fakultetin Juridik në Prishtinë më 10 korrik 1976. Ndërsa, provimin e judikaturës e ka dhënë më 18 shtator 1981. Karrierën e punës e ka filluar më 15 shtator 1976 si praktikant në Shërbimin e punëve komunale të Komunës së Plavës. Që nga muaji mars i vitit 1977, ka ushtruar funksionin e gjyqtarit komunal për kundërvajtje në Plavë. Pastaj, ka qenë shef i Organit për kundërvajtje në Plavë (prej 3.10.1980 deri më 13.04.1985) dhe kryetar i Gjykatës Komunale për kundërvajtje në Plavë (prej 13.04.1985 deri më 30.10.1987). Më 30 tetor 1987 është emëruar për prokuror themelor publik në Plavë. Këtë detyrë e ka ushtruar deri më 1 shtator 2005. Më tutje karrierën e prokurorit e ka vazhduar në postin e zëvendësit të prokurorit të lartë shtetëror në Podgoricë (prej 1.09.2005 deri më 30.04.2006). Për zëvendës të prokurorit special për ndalimin e kriminalitetit të organizuar pranë Prokurorisë Supreme Shtetërore në Podgoricë është emëruar më 1 maj 2006, ku ka punuar deri më 9 nëntor 2009. Për Mbrojtës i të Drejtave dhe Lirive të Njeriut është emëruar në Kuvendin e Malit të Zi më 9 nëntor 2009, me propozimin e kryetarit të Malit të Zi. Në periudhën prej 29 korrik 2008 deri me 9 nëntor 2009 ka qenë anëtar i Këshillit të Prokurorisë. Ndërsa, prej 20 mars 2006 deri me 20 mars 2008 ka qenë kryetar i Shoqatës së Prokurorëve Shtetërorë të Mali të Zi. Gjatë ushtrimit të detyrës së prokurorit ka inicuar zgjidhje ligjore të shumta dhe ka marrë pjesë në projekte të ndryshme për reformimin e judikaturës së Malit të Zi. Gjithashtu, ka marrë pjesë në një sërë konferencash, seminaresh, tubimesh shkencore dhe ka qenë i angazhuar si ekspert në fushën e legjislacionit penal të Malit të Zi. Flet gjuhën ruse. Është i martuar dhe ka tre fëmijë.